مقاطع فيديو اشتباكات الامن و الوايت نايتس قبل مباراة الزمالك و انبي الاثنين 8/2/2015 لحظات البداية اشعال الوايت نايتس النار في سيارات الشرطة اما الدفاع الجوي و اقتحام الوايت نايتس للاستاد و نعرف علي كيف بدات الاشتباكات و من المتسبب في الاحداث

 من تاني رجعنا هذا هو لسان حال الجماهير دوري و اتلعب بدون جمهور و مفيش مشكلة عشان تهدوا اتفرجوا بقا افرحوا بقا بس ليه يفرحوا خدنا علي البلطجة و فرض العضلات ازاي نرجع الملاعب كده و خلاص لا احنا نلازم يكون لينا رأي انتوا مين ارحمونا في ناس بتموت علي الحدود و جوا البلد و ناس مستقبلها بيضيع و انتوا عاوزين كورة قولنا ماشي بس مش تموتوا في بعض ده عشان خاطر ايه و لا مين فيها ايه لو شوفت الماتش في التليفزيون حيحصل ايه و لا حاجة عادي شهرين تلاتة و عدد الجمهور حيزيد و حاتدخل الناتشات زي ما انتا عايز بس تموت في اخوك ليه عملك ايه كل غلطة انه بينفذ الاوامر و عاوز شوية نظام كان ده صعب عليك مينفعش نقول بلاها كورة مش عشان الكورة بس نفس الناس اللي اخدت علي البلطجةو كل شوية يقولوا الداخلية وحشة عملتلك اية الداخلية المرة دي هما 5000 مشجع خلاص و انتا ملكش مكان رايح ليه و حاتعمل ايه زمان كنت بتنط مع علي السور و كان العسكري الغلبان ده اللي بتقول عليه وحش اخوك بيسيبك بيقول ماشي يمكن معهوش فلوس و كنت بتستخبه منه و كانت بتمشي مع انه غلط بس مكنش ليك عين تكلمه دلوقتي و انا استخبا ليه ليه ما ادخلش الماتش بمزاجي و اعمل اللي انا عايزة اللي حايكلمني يبقا وحش احنا اكتر و صوتنا عالي ولو في ضرب نكسر و لما حد فينا يحصله حاجة نبقا ثوار و ابرياء و كل حلمنا ماتش نحضره حرام حرام عليكم.

بس انتا عارف لو الكورة اتمنعت في مصر خالص و قفلوا النوادي انتا و لا يهمك انا عارف بعد كده حاتشوفلك مكان تاني تحاول تتبلطج عليه اي مكان سينما مسرح مش مشكلة حاتقول اصلي بحب المكان ده و لازم اكون موجود فيه عافيه بلطجة قلة ادب ميش وصف. العقاب العقاب العقاب لازم تتعلم الادب لازم تحباخوك لازم ترجع تبقا انسان مش بيحب يعيش مع الناس مش بيحب يعيش لوحده و يفرض رأيه علي ايه و لا ليه انتا احسن من الناس اللس حوليك في ايه الرحمة بقا.